ඉඳුල් වතුර පිඟානෙන් මරුවා එයි

2015-06-15 02:07:00       581
feature-top
දොඩංගොඩ සියඹලාගහලයිම ඇළදූව ප‍්‍රදේශයේදී පොල්ලකින් පහරදී පුද්ගලයෙකු ඝාතනය කර තිබෙනවා. නෙත් නිවුස් වාර්තාකරු පවසන්නේ ඊයේ (12) පස්වරුවේ අදාළ පහරදීම සිදුව ඇති බවයි.

මියගිය පුද්ගලයා 42 වැනි වියේ පසු වූවෙක්. මෙම පුද්ගලයා ආහාර ගෙන පිඟාන සේදූ ජලය නිවසින් පිටතට විසි කළ අවස්ථාවේ අසල්වැසි කාන්තාවකගේ සිරුරේ වැදී තිබෙනවා. ඒ පිළිබඳ ඇති වූ ආරවුලකදී අදාළ කාන්තාවගේ පුතුන් දෙදෙනා විසින් පහරදීම සිදුකර ඇති බවයි විමර්ශනවලින් හෙළි වුණේ. ඔවුන් දෙදෙනාම බාලවයස්කරුවන් වන අතර එක් අයෙකු 17 වැනි වියේද අනෙකා 13 වැනි වියේද පසුවනවා.

වැඩිදුර විමර්ශන සඳහා මෙම සැකකරුවන් දෙදෙනා අත්අඩංගුවට ගත් බවයි පොලිසිය පැවසුවේ.


More News »